राजमाता जिजाऊ
जय जिजाऊ!! जय शिवराय !!
"एक उडाली ठिणगी आणि
लाख पेटल्या मशाली ...
स्वराज्याच्या संकल्पाची
नवी पहाट ही झाली ... "
आपल्या हिंदू धर्माचे रक्षण करणारे युग प्रवर्तक श्री छत्रपती शिवाजी महाराज आणि प्रतापशाली श्री संभाजी महाराज ह्या मराठ्यांच्या दोन छत्रपतींना घडविणाऱ्या विश्व्वंढ्य आदर्श राजमाता जिजाऊंना त्रिवार वंदना !!
आज दिनांक १२जानेवारी २०१९,अर्थात राजमाता जिजाऊ यांची जयंती . राजमाता जिजाऊंचा जन्म १२जानेवारी १५९८ रोजी बुलढाणा जिल्ह्यातील सिंदखेड येथील लखुजीराजे जाधव या प्रसिद्ध राजघराण्यात झाला . लखुजी राज्यांनी आपल्या कन्येस म्हणजेच जिजाऊस देखील राजनीती ,युद्धकलेचे शिक्षण दिले . शौर्य, धैर्य आणि प्रचंड आत्मविश्वास अशा विविध गुणांनी परिपूर्ण असे जिजाऊंचे व्यक्तिमत्तव !
जिजाऊंचा विवाह मालोजी राजे भोसले यांचे चिरंजीव शहाजी राजे भोसले यांच्याशी दौलताबाद येथे डिसेंबर १६०५ साली मोठ्या थाटाने संपन्न झाला. जिजाऊंना एकूण सहा आपत्य झाली .त्यापैकी ४मृत्यू पावली. १९ फेब्रुवारी १६३० साली जिजाऊंनी छत्रपती शिवाजीस जन्म दिला .
जिजाबाई यांच्या जवळील साऱ्या सद्गुणांची व विचारांची दूरदृषशिवबांना त्यांच्या आई कडूनच मिळाली . 'शिवबा' ते ' छ्त्रपती शिवाजी महाराज 'असा यशस्वी प्रवास घडवणाऱ्या या मातृवत्सलेने आपल्या सुपुत्राला स्वराज्य निर्मितीचे धडे दिले,ज्यामधून उभे राहिले यशस्वी साम्राज्य !
'आई' तेव्हाची असो किंवा आत्ताची ,ती आपल्या बाळाला चांगले संस्कार देण्यासाठीच प्रयत्नशील असते. धाडस,सहनशीलता,कल्पकता,समाजभान,परोपकारी वृत्ती अशा अनंत गुणांचा समुच्चय आजच्या 'ती' मध्ये देखील आहे . गरज आहे 'स्त्री'ला तिच्यामधील शक्तीचे सामर्थ्य समजून घेण्याची,जिजाबाई म्हणजे याच स्त्री शक्ती चे तत्कालीन देखणे रूप! महाराष्ट्राचा सोनेरी इतिहास साकारणाऱ्या या मूर्तिमंत व्यक्तिमत्वास त्रिवार मानाचा मुजरा !!
